УО на МКФ го прифати предлогот на Стручниот Совет
Марин Докузовски и официјално нов селектор на Македонија
Актуелниот тренер на Работнички ќе ја предводи репрезентацијата во наредните две години
 На денешниот кус состанок кој менаџерскиот тим на УО на МКФ го одржа во просториите на фабриката “Горска - Кодинг“ во Конопиште, беше прифатен предлогот на Стручниот Совет на МКФ, селекторскиот мандат во наредните две години да му биде доверен на Марин Докузовски. Членовите на УО едногласно го прифатија предлогот за Докузовски, а исто така и предлогот за Марјан Лазовски, кој ќе биде асистент на новиот селектор. Официјална промоција на Марин Докузовски ќе биде извршено на прес конференција наредната седмица во просториите на МКФ.
Инаку, на денешниот состанок е прифатена и оставката на два члена на Регистрациската Комисија и именувани се нов претседател и член. На местото на досегашниот претседател Јасмина Станкова за нов претседател е именуван Томе Димишковски, а покрај Горан Смилевски во Регистрациската Комисија на МКФ член ќе биде и Живко Николовски. | 
